UNIDADE 14. AS PROFESIÓNS E SERVIZOS DE PRODUCIÓN.

mayo 14, 2020

UNIDADE 14. AS PROFESIÓNS E SERVIZOS DE PRODUCIÓN.

Nesta unidade, do 18 de maio ao 31 de maio imos a traballar as seguintes cousas:

Táboas de multiplicar do 3, 6, 9 e 10. Os triples.
Elementos xeométricos do espazo: prisma, pirámide, cilindro, cono, esfera...
Fraccións. Unidades de medida do volume (o litro, o medio litro e o cuarto de litro) e de peso (kilogramos e gramos), números decimais (décimas, centésimas e milésimas).
Vocabulario e campo semántico das profesións. Descrición de profesións.
Clases de palabras: o verbo en presente, pasado e futuro.
A ortografía das tildes.
Os sectores de produción: primaria, secundario e terciario.
Profesións de especial interese.

Se o desexas, tes a versión para imprimir en arquivo odt e en pdf do caderno de actividades da unidade 14 sobre as profesión nestes enlaces:

En formato odt https://drive.google.com/open?id=10DdfrqbcJ4dpioTFaVdQ0qatRtfT786e

En formato pdf https://drive.google.com/open?id=1f9QKz-KWRngNxpXEN4T92tbNT1vssKWX

As actividades de Inglés para imprimir:

En formato pdf:

https://drive.google.com/file/d/1pvlR3qW8sZ6V3Kn2MqG4VBSKnb3438Oy/view?usp=sharing

ACTIVIDADES DE MATEMÁTICAS.

Actividade 1. Bailamos as táboas de multiplicar do 3, do 6, do 9 e do 10.

a) Baila a táboa do 3 a ritmo de braking.

b) Baila a táboa do 6 practicando fit-combat.

c) Rapea a táboa do 9 facendo scratch.

d) Baila a táboa do 10 a ritmo de salsa casino.

Actividade 2. Construímos as táboas de multiplicar.

a) Constrúe a táboa do 3.

Colle dez recipientes iguais (10 tazas, 10 vasos, 10 pratos...) e material contable pequeno (grans de café, garbanzos, caramelos, macarróns...). Mete 3 en cada recipiente e vai montando a táboa do 3.

Debuxa unha fila de 10 círculos iguais. Debuxa en cada círculo 3 boliñas.

Escribe a táboa do 3.

b) Constrúe a táboa do 6.

Agora mete en cada recipiente outros 3 máis en cada recipiente vai construíndo a táboa do 6. Date conta que a táboa do 6 é o dobre da táboa do 3. Por exemplo: 2x3 = 6 e 2x6 = 6+6 = 12

Debuxa unha fila de dez círculos iguais. Debuxa en cada círculo 6 boliñas.

RECORDA: Xa expliquiche que a táboa do 6 é igual que a do 5 e a do 1 xuntas!
Quita de cada recipiente unha cousiña e farás a táboa do 5. Volve a poñer un en cada recipiente e fai outra vez a táboa do 1.

Escribe a táboa do 6.

c) Construé a táboa do 9.

Agora mete en cada recipiente outros 3 máis en cada recipiente vai construíndo a táboa do 9. Date conta que a táboa do 9 é o triple da táboa do 3. Por exemplo: 2x3 = 6 e 2x9 = 6+6+6 = 18

Debuxa unha fila de dez círculos iguais. Debuxa en cada círculo 9 boliñas.

Escribe a táboa do 9.

d) Constrúe a táboa do 10.

Agora mete en cada recipiente 1 máis en cada recipiente vai construíndo a táboa do 9. Date conta que a táboa do 9 é a táboa do 10 menos a táboa do 1. Por exemplo (10x3) - (1x3) = 9x3 = 27 que sería restar trinta menos tres igual vintesete.

Debuxa unha fila de dez círculos iguais. Debuxa en cada círculo 10 boliñas.

Escribe a táboa do 10.

Colle un folio, pono en horizontal e escribe a táboa do 10 na esquerda, a táboa do 1 no centro e á dereita a táboa do 9. Observa como a táboa do 9 é igual á do 10 menos a do 1.

Actividade 3. Os triples.

a) Lee e comprende este texto:

Xa sabemos o que son os dobres. Dúas veces o mesmo número.

Xogando ao baloncesto, vamos contando de dous en dous as canastras, salvo as que valen o triple dun punto (3x1=3). O triple dun número e tres veces ese número. Coa táboa do 3 calculamos os triples de calquera número.

b) Problemas de matemáticas con triples.

Vouche dar estos prezos e tes que calcular, canto valerían 3 artigos iguais.

Se as gominolas están a 5 céntimos, canto valen 3? E canto 30? E canto 300?
No cine cobran 5 euros o día do espectador. Canto nos cobran se imos tres persoas?
Nun partido de baloncesto da Liga ACB, o equipo Real Madrid marca 22 canastas, das cales 6 foron triples. O seu contrincante Joventut de Badalona marca 20 canastas, das cales 12 foron triples. Que equipo gañou?
No supermercado, as mazás Royal Gala están a 1,39 euros. Cantos costan 3 kilos de mazás?
Na carnicería, hai bandexas de peituga de pavo de 1 kilo e 200 gramos . Se compro 3 bandexas, cantos kilos compro en total?

Inventa cinco problemas de triples:

Actividade 4. Vídeos dos elementos xeométricos no espazo. Os corpos xeométrico son de dous tipos, os poliedros e os corpos redondos.

a) Mira este vídeo sobre os poliedros.

b) Mira este vídeo sobre os corpos redondos.

c) Reflexiona: A Terra é redonda, pero é unha esfera ou un disco plano. Marca as respostas correctas:

Na Idade Media a xente pensaba que a Terra era plana, de ahí que se chame "planeta".
A Idade Moderna comeza co descubrimento de América quedando demostrada que a Terra é redonda, como xa sabían na Antiga Roma e Grecia.
Se ves a Terra desde o espacio decátaste de que é unha esfera, non é plana, como podes ver neste vídeo en directo desde a Estación Espacial Internacional.

Actividade 5. Buscamos figuras xeométricas 3D na vida real.

a) Reflexiona:
Colle a túa pelota preferida. De que é esa pelota? Pois é unha esfera.

Que dúas formas hai nun xeado de cucurucho? Marca a resposta correcta.

A esfera que está nas bolas e o cono que está no cucurucho.
A esfera que está nas bolas e a pirámide que está no cucurucho.

Colle un libro que teñas por casa. Xa o tes? Bravo, tes un poliedro, concretamente un prisma de bases rectangulares.

Vai a neveira e colle unha porción de queixiño ou unha cuña de queixo. Debate cos teus pais... Trátase dunha pirámide ou de un prisma de base triangular?

As patas das mesas poden ter forma de prisma ou de cilindro. De que forma son as patas das mesas que atopas na túa casa? As do cole son cilíndricas todas que o saibas.

b) A maioría dos edificios das cidades teñen forma de prisma de base rectangular, pero algúns teñen formas raras.

Pensa na forma que ten a túa vivenda (casa ou edificio) e dime de que formas está feito, por exemplo, as casa soen ter un tellado de forma piramidal ou forma prisma de base cuadrangular. Este tellado soe estar enriba dun poliedro do tipo prisma cuadrangular. A túa casa ten esta forma ou distinta? E no caso de que vivas nun edificio, ten forma de prisma de base rectangular como a maioría, ou ten unha forma orixinal e propia?

c) Busca exemplos de corpos xeométricos que teñas por casa ou que coñezas:

pirámide:
prisma de base rectangular.
prisma de base cuadrangular:
prisma de base triangular:
cubo:
esfera:
cilindro:
cono:

Actividade 6. As fraccións.

a) Colle un folio e dóbrao á metade. Como podes ver tes o folio dividido en dúas metades iguais. Colle unhas texoiras e corta pola doblez. A unidade que era o folio, partíchelo e dúas partes iguais. Tes 1 parte de 2 por un lado e 1 parte de 2 polo outro. Esto en matemáticas exprésase así:

1
-------
2

Agora colle outro folio e dobrao pola metade, e vólveo a drobar. Partíchelo en catro partes iguais. Tes 1 parte de 4. Isto en matemáticas escríbese:
1
-------
4

b) Interesante vídeo de fraccións OAOA, para ver cos teus pais.

Actividade 7. Unidades de medida do volume (o litro, o medio litro e o cuarto de litro)

a) Experimentamos coa medida de capacidade.
Pide permiso a papá ou mamá para facer estas actividades, pois tes que atopar un sitio en casa no que podas xogar e mollar. A bañeira ou o fregadeiro, con supervisión adulta poden ser bo lugares, e se tes pilón ou lavadero mellor.

Colle recipientes de diferentes tamaños e ordeaos de menor a maoir capacidade de auga que poden conter.

Vas coller unha tarteira e un caldeiro. Agora vas coller un recipiente máis pequeno como pode ser un vaso. Vai enchendo e conta cantos vasos necesitas para encher a tarteira. E agora conta os vasos que necesitas para encher o caldeiro.

Tarteira = __________ vasos

Caldeiro = __________ vasos

Agora escolle outros dous recipientes de tamaño diferente e mira cantos dos pequenos caberían no grande.

b) Mira este vídeo sobre o litro, o medio litro e o cuarto de litro.

Colle unha xerra, un tazón e un vasiño e mira se é verdade o que di o vídeo. Ten en conta que o tazón ten que ter dúas veces a capacidade do vaso e que catro vasos enchen a xerra.

Pide aos teus pais una xerra de litro, se non teñen, colle un brik dun litro de leite ou zume, ou unha botella dun litro de aceite, por exemplo. Lava o recipiente. Comproba o que é un litro enchendo ese recipiente ata arriba con auga.

Para facer esta última actividade, tes que gardar 7 briks de leite ou zume dun litro de capacidade. Cando teñas os sete, a un córtalle a parte de arriba (con axuda dun adulto), outros dous párteos en dúas partes iguais en horizontal e quédate coas dúas partes de abaixo. Comproba que dúas metades son iguais a un brik enteiro. Por útlimo, divide catro briks en catro partes iguais. O resultado vai ser este:

Como poderás comprobar, 1 litro = 1/2 litro + 1/2 litro = 1/4 litro + 1/4 litro + 1/4 litro + 1/4 litro

Agora que xa che quedou craro que dentro dun litro caben dous medios litros. E tamén catro cuartos de litro.

A todo isto, un tetrabrik ou cartón de leite que tipo de corpo xeométrico é? Marca a resposta correcta.

un cono
un prisma
unha pirámide

Se tes a man un xerro graduado de litro, comproba cantos militros ten un litro, a metade da xerra (medio litro) e a cuarta parte da xerra (cuarto de litro).

Por certo, que forma ten o xerro? Marca a resposta correcta:

cono
cilindro
esfera

d) E por último, mira este vídeo.

Comproba que un litro cabe en dous medios litros. Consigue unha botella de 1 litro de aceite baleira e dúas botellas de medio litro dentro e ao revés!

Actividade 8. Unidades de peso (kilogramos e gramos).

a) Experimentamos o peso.

Colle dous obxectos do mesmo peso, forma e tamaño. Verás que non hai moita diferencia de collelo cunha man e con outra.

Tenta levantar o coche de teu pai ou nai ,e tenta levantar unha folla. Que pesa máis? Por que?

Colle unha moeda nunha man e un libro noutra? Que pesa máis? Por que?

Se tes báscula para pesarte na casa podes comprobar o seguinte: Quen pesa máis. ti ou túa nai ou teu pai? Cal é o máis grande dos tres? Cres que o tamaño ten algo que ver? Por qué?

Colle dúas cousas que pesen 1 kilo: por exemplo: un paquete de arroz de 1 kilo e un paquete de fariña de 1 kilo. Marca a resposta correcta:

Pesa máis o paquete de arroz.
Pesa máis o paquete de fariña.
Pesan igual.
Pesan distinto, timáronme no supermercado...

b) Constrúe a túa propia balanza.

Logo de seguir as instruccións para fabricar unha balanza, podes comparar pesos, por exemplo, podes coller un kilo de arroz e usalo de pesa para pesar outras cousas do outro lado ata chegar a un kilo, por exemplo patacas, ata que a balanza quede equilibrada e pesen igual os dous lados.

c) Mira este vídeo sobre as medidades de capacidade e peso.

b) Mira este vídeo con especial atención a cantos gramos hai nun kilo.

Pasa estas cantidades de gramos a kilos.
1000 gramos = 1 kilo
2000 gramos = 2 kilos
3000 gramos = _____ kilos
2500 gramos = 2,5 kilos
3200 gramos = _____ kilos
7230 gramos = 7,23 kilos
8450 gramos = _____ kilos
2435 gramos = 2,435 kilos
3456 gramos = ______ kilos
500 gramos = 0,5 kilos
536 gramos = 0, ______ kilos

c) Pesa dez cousas que teñas por casa ben cunha balanza de cociña, ben cunha báscula de baño.

e) Realiza en compaña dun adulto ou adulta, unha receta na que haxa diferentes medidas de peso e capacidade.

Encárgate ti de facer as medidas necesarias. Aquí déixoche unha web cunha morea de receitas de cociña con ingredientes en diferentes cantidades. Preme neste enlace para atopalas:

https://www.youtube.com/channel/UCuEDvjIWQ2XhxaWKt8nuI3Q/featured

f) Comproba que pesa máis: 1 kilo de patacas ou 1 kilo de arroz?

Para iso terás que pesar as dúas cantidades e ver cal dos dous produtos ocupa máis ou menos lugar. A que conclusión chegas?

Actividade 9. Números decimais (décimas, centésimas e milésimas).

a) Vouche explicar os números decimais.

Como xa te teño contado en clase, cando dividimos a unidade en partes iguais obtemos os decimais.

Se dividimos a unidade en dez partes iguais temos as décimas.
Se dividimos a unidade en cen partes iguais temos as centésimas.
Se dividimos a unidade en mil partes iguais temos as milésimas.

Como isto é difícil de entender e aínda estamos en 3º, vóuvolo explicar só relacionado cos centímetros, cos euros e cos kilos.

Normalmente, as persoas utilizamos as décimas nas medidas con centrímetros porque os milímetros son a décima parte do centímetro. Como podes ver nun metro ou regra, cada centímetro está dividido en dez milímetros, por iso, entre 2 cm e 3 cm hai milímetros
2 cm 2,1 cm 2,2 cm 2,3 cm 2,4 cm 2,5 cm 2,6 cm 2,7 cm 2,8 cm 2,9 cm 3 cm
Por exemplo 2,6 cm é que mide 2 cm e 6 mm

Habitualmente, empregamos as centésimas nas medidas con euros, dividimos o euro en 100 partes iguais. No caso do diñeiro, cada unha das centésimas é un céntimo. Era o que chamábamos o euro cadrado en clase.
1 Euro = 10 décimas = 100 centésimas
1 Euro = 100 céntimos

Nos pesos cos kilos empregamos as milésimas
1 kilo = 1000 gramos
O gramo é a milésima parte de 1 kilo.

b) As décimas nos centímetros.

Mira este vídeo prestando especial atención ao centímetro e os milímetros.

Colle unha regra, metro ou cinta métrica. Observa que cada número é un centímetro. En cantas partes maís pequenas está divido cada centímetro? Son 10 milímetros verdade? Pois para expresar os centímetros os números de unidades, decenas, centenas á esquerda, e para expresar os milimetros 1 centímetro (cm) = 10 milímetros (mm).

Completa a táboa:
1 milímetro = 0,1 centímetros
2 mm = 0,2 cm
3 mm = 0,3 cm
4 mm = ____ cm
5 mm = ____ cm
6 mm = ____ cm
7 mm = ____ cm
8 mm = ____ cm
9 mm = 0,9 cm
10 mm = 1 cm
11 mm = 1,1 cm
12 mm = 1,2 cm
13 mm = ____ cm
14 mm = ____ cm
26 mm = ____ cm
48 mm = ____ cm
123 mm = ____ cm
345 mm = _____ cm
2345 mm = _____ cm

Mira este vídeo.

Mide agora as seguintes cousas:
un botón =
un estoxo (estuche) =
o coche de mamá ou papá =
Mide 5 cousas do tamaño que ti queiras e expresao en centímetros e milìmetros.

Colle un prisma que teñas por casa: un libro, unha caixa, unha habitación, e mide o alto, ancho e fondo.

c) As centésimas nos euros.
Nos prezos hai décimas e tamén centésimas

3 Euros = 3 unidades, 0 décimas e 0 centésimas
3,20 Euros = 3 unidades, 2 décimas e 0 centésimas (As dúas décimas e a moeda de 20 céntimos)
3,25 Euros = 3 unidades, 2 décimas e 5 centésimas (Son 3 euros e 25 céntimos, onde 20 céntimos son 2 décimas; e 5 céntimos serían 5 centésimas.

d) As milésimas nos kilos.
Para medir a parte máis pequena que o kilo, usamos os gramos e dividimos o kilo en 1000 partes iguais chamadas gramos.

No peso, é habitual que as persoas utilicemos décimas, centésimas e milésimas.
1 kilo = 1000 gramos
5,425 kilos = 5 unidades de kilo, 4 décimas partes de kilo (400 gramos), 20 centésimas partes de kilo (20 gramos) e 5 milésimas partes de kilo (5 gramos).
1/2 kilo = a metade de 1000 gramos = 500 gramos = 5 décimas partes de kilo.
1/4 kilo = unha cuarta parte de 100 gramos = 250 gramos = 2 décimas partes de kilo e 5 centésimas partes de kilo (e ninguna milésima de kilo).

e) Os números decimais no mundo.
Os números decimais son fraccións de calquera unidade, están presentes en todos os números, cando temos unha das unidades incompletas. A parte incompleta é a que aparece a continuación da coma, na parte da dereita.

ACTIVIDADES DE LINGUA.

Actividade 1. Vocabulario e campo semántico das profesións.

a) Mira este vídeo sobre os campos semánticos.

b) Colle un folio e escribe o campo semántico das profesións.

Tes que escribir todas as palabras que te recorden a: profesións, traballos, empregos, actividades laborais...

Actividade 2. Descrición de profesións.

a) Describe a profesión de teu pai ou de túa nai. Recorda escribir con maiúscula e acabar con punto, formar parágrafos.

b) Describe a túa profesión favorita, o que queres ser de maior, ou algunha profesión que che pareza flipante.

c) Inventa unha profesión que non exista.

Actividade 3. Clases de palabras: o verbo en presente, pasado e futuro.

a) Mira este vídeo sobfre o verbo en presente, pasado e futuro.

b) Xogos online sobre os verbos.

https://www.cerebriti.com/juegos-de-tiempos+verbales/tag/mas-recientes/

Actividade 4. A ortografía das tildes.

a) As regras de acentuación do galego e do castelán.

b) Xogos on-line de ortografía

https://www.mundoprimaria.com/juegos-educativos/juegos-lenguaje/ortografia/ort-tercero

c) Recursos para traballar os acentos e tildes.

https://www.educapeques.com/recursos-para-el-aula/fichas-de-letras/ortografia-primaria-los-acentos.html

ACTIVIDADES DE CIENCIAS.

Actividade 1. Os sectores de produción: primaria, secundario e terciario.

a) Lee e comprende que son os sectores de produción.

Os sectores de produción son tres: son os traballos que as persoas adultas realizamos para que podamos disfrutar de alimentos, roupa, cousas, servicios, etc. Para que un destes bens de consumo ou produtos chegue a nosa casa casa necesitamos que moitas persoas traballen para fabricalo.

Os traballos clasifícanse en tres sectores: primario, secundario e terciario. É moi doado de entender, porque os traballos van por orde: primeiro obter os materiais da natureza, segundo transformalos nas fábricas ou construír, e terceiro vendelos e levalos aos clientes.

Sector primario: o primeiro que hai que facer: obter as materias primas ou primeiros materiais directamente da natureza.
Sector secundario: o segundo que hai que facer: fabricar ou elaborar os produtos coas materias primas, é dicir transformar as materias primas en produtos elaborados.
Sector terciario: o terceiro que hai que facer: ofrecer os produtos ou tamén os servicios a outras persoas.

Pensa en cando ías en autobús ao cole: primeiro os mineiros tiveron que obter das minas os metais e petróleo, é dicir as materias primas das que está feito o autobús. Segundo, houbo que fabricar nunha fábrica de autobuses o autobús. Terceiro, o condutor do autobús foi contratado para conducir o autobús para que poidas ir a clase.